Stipend वा पगार...तुम्हीच ठरवा.

Stipend

मित्र हो,

आपण आपले शालेय शिक्षण पूर्ण करत असताना किंवा करून झाल्यावर आपणांस  आपल्याच कामाचा मोबदला ह्या ना त्या स्वरूपात मिळतो .त्यास आपण  स्टायपेंड-शिष्यवृत्ती वा विद्यावेतन- पगार- वा बरेच काही शब्द वापरत असतो. त्यातूनच आपणांस समाधान,सुख आणि आनंद  मिळतो. लहानपणापासूनच आपणांस शिकवले जाते कि काम केल्यावर पैसा मिळणार..काम आणि पैसा वा पगार वा हवंतर मोबदलाच  म्हणा ना ..पण इकडून तिकडून सारखेच. ..आज आपण ह्याच विषयावर बोलणार आहोत.... 

तर हे Stipend म्हणजेच काय?ज्याची तोंड ओळख आपणांस शालेय जीवनापासूनच माहीत झाली आहे. Stipend ह्या शब्दापासून Salary ह्या शब्दापर्यंत आपण केव्हा येऊन पोहचतो. हे आपल्या लक्षातच येत नाही.मग आपण  आयुष्याच्या जीवन चक्रात गुरफटून जातो.मग  काय  आपण  जागेपणी वा झोपेतसुदधा त्याचा पाठलाग सोडत नाही.खरं आहे ना मित्रांनो..तुम्हांस काय वाटतंय? 

तर हे Stipend वाटतंय तेवढं सोप्प नाही बरं का ? तो  विषय शिकायचंय वा शिकवायचं झालं तर फार अभ्यास करावा लागतोय.ज्ञान  प्राप्त करून घेण्यास फार काबाडकष्ट करावे लागतात.तसेच त्याचा आशय दुसऱ्याला   समजून द्यायला वा त्याच्या डोक्यात प्रकाश पडायलासुदधा वेळ द्यायलाच हवा.आणि हेच काम शिक्षक करत असतात.म्हणूनच म्हणतात  विद्यार्थी होणं सोप्प पण एकदा शिक्षक होऊन बघा...एक शिक्षक साठ सत्तर  विद्यार्थी...समीकरण फारच किचकट...तर आपण कश्यावर बोलतोय...हा Stipend...

Stipend म्हणजेच शिष्यवृत्ती वा विद्यावेतन- पगार- प्रथम ह्याचा अर्थ समजून घेऊ यात. ह्यामध्ये दोन बाजू आहेत. एक बाजू  स्टायपेंड आणि दुसरी बाजू पगार. जसे नाण्यास दोन बाजू  असतात. तसे...पण मूल्यमापन करताना नाणं एकच आणि बाजारात जाऊन त्याचा वापर  करावयाचा असेल तर ते खणखणीत असावे लागते...

तर काय  शालेय शिक्षण पूर्ण करताना जे मिळतं ते Stipend  आणि नोकरी लागल्यानंतर जो  मिळतो तो पगार..मित्र  हो येथेच आपण चूक करतो...तो पगार  नसून ते एक प्रकारचे Stipend आहे आणि त्याचा वापर तुम्हांस तुमचा पगार कसा जास्त वाढेल. ह्यासाठीच करावयाचा आहे..म्हणजेच काय  Stipend  हे तुमचे कौशल्य वाढवण्यासाठी वापरायचं  असते.ज्यो तो आपले  Skill वा कौशल्य काळानुरूप वाढवत जातो.तस तसा त्याचा पगार वाढतच जातो.त्यासाठीच तर हे तुम्हांस Stipend  दिले जाते.त्याचा वापर हा तुमच्या  Skill Development साठी करायचंय नाही कि तुमच्या  कौटुंबिक गरजांसाठी ...तुमचे कौशल्य वाढलं कि तुमचा पगार वाढतो म्हणजेच  Stipend  व्यतिरिक्त  जो जादा मोबदला मिळतो तो तुमचे Skills वाढल्यावर मिळेल. आहे कि नाही गंमत. ..विषय फार कठीण आहे...त्याचा अर्थ तुम्हांस लगेच समजणार नाही.त्यासाठी विचार करून आकलन करावे लागेल तरच तुम्ही त्याच्या तळास पोहचू शकतात...

आता आपण एक उदाहरण घेऊ या.बघा दोन सख्खे मित्र  एकत्र आणि एकाच कंपनीत काम करतात. दोघेही आय टी आय पास झालेत आणि एकच त्याचा टेंड " फिटर"

कामास लागल्यानंतर एक जातो Production department ला व  दुसरा जातो Maintenance ला .दोघांना पगार सुद्धा सारखाच आहे..पण कालांतराने दहा वर्षात जो Production department मध्ये काम करणारा मित्र फार काही न करता निमूटपणे आपले जीवन जगत असतो.मज्जाच मज्जा करीत असतो..पण याउलट Maintenance मध्ये काम करणारा मित्र आपलं कौशल्य वाढविण्यास नेहमीच धडपड करीत असतो आणि त्यामुळेच त्याचा पगार हा खुपच जास्त असतो. दोघांच्या पगारात तफावत आढळून आली कारण एकजण वरच्या पदावर कार्यरत असून दुसरा मात्र आहे त्याठिकाणी राहतो.कारण त्यास मिळत असणारा पैसा तो पगार म्हणून समजत राहिला आणि दुसरा मात्र त्यास Stipend  समजून त्याचा वापर त्यांनी आपल्या उच्च शिक्षणासाठी वापरला आणिक  आपला पगार वाढविला.जेणेकरून आपल्या कौटुंबिक गरजा भागविल्या. ..

सारांश...मिळणारा पगार हा Stipend म्हणून  समजा व त्याचा वापर उच्च ज्ञान वा शिक्षणासाठी वापरा जेणेकरून तुम्हांस पगार भरपूर मिळेल. ...

प्रेरणास्थान-माझे परममित्र श्री.अंनत नातू....ह्याच्या विचारांतून मला हे कोडं उमजलं....धन्यवाद नातू साहेब. ...